هي الدنيا كدة ... ساعة من نهار كما وصفها الله سبحانه و تعالى في القرآن الكريم في آخر سورة الأحقاف..
(كأنهم يوم يرون ما يوعدون لم يلبثوا إلا ساعة من نهار)
يااااه .. الآية دي فعلا بتهون على الواحد حاجات كتير, بحسها رسالة لكل مبتلى إنه يستحمل شوية و يصبر.. و رسالة لكل حد الدنيا مالية قلبه قوي إنه يركز أكتر في الحياة الأبدية مش في الساعة اللي شوية و هتخلص ..
رسالة لكل ذي عقل إنه يختار.. و أي حد عاقل مش معقولة يفضل ساعة على الحياة الأبدية..
نحاول نستحمل أي ألم أو أذى .. و نطيع ربنا حتى لو في حاجة صعبة شوية علينا .. ونعارض أهوائنا شوية ...
و أهي ساعة هتعدي بالطول ولا بالعرض ... بس المهم هنروح بعدها فين؟؟؟
هناك 4 تعليقات:
ده كمان صبرنا عليها مش بس بيبدلنا ربنا بيه خير فى الاخرة
ده حتى الساعة دى(الدنيا)بتبقى فرصة لمزيد من الرضا والسعادة الحقيقية مش اللحظية
معلش دخلت فى الموضوع كده علطول من غير سلام عليكم
وازيك يا ياسمينو يا مظلومة معايا
:)
معلش بجد اتكلمنا مرة واحدة وبعدين من ساعتها الحاجات ملخبطة
وبعدها الامتحانات ورا بعضهااا
بس بجد يا ياسمين اكيد هييجى وقت
اكون انا فيه فى البيت
وانت فيه فى البيت
ونتكلم ان شاء الله
:)
لانى عاوزة اتعرف عليكى بأه
سلااام لأسماء كبيير
ودعواتك الى ان نتكلم ان شاء الله
سمسمة .. أنا مبسوطة أوي بتعليقك ..
و مش مظلومة معاكي ولا حاجة و ان شاء الله نتعرف قريب أوييي ..
و فعلا معاكي حق .. لما الواحد بيصبر و يرضى بيحس بطعم جديد للسعادة و راحة البال..
ربنا معاكي في الإمتحانات .. و إن شاء الله أسلملك على أسماء
يوم القيامة سيرا كل عملة ماكان لله فاز وانتصر وما كان غير ذلك ذل وانكسر
ادعوكي لزيارة مدونتي لحن الغروب واتمني التواصل الدائم بيننا
تمام ياسمين
جميل اللي مكتوب في مدونتك انا قريت اغلبها بس اللي شدني اكتر اول مدونه فيها فعلا اللي دايما الواحد يحس بيه بس انا عملت عكسك انا عملت حوالي مدونتين قبل كده نسيت الاتنين بس عشان كنت فعلا بقعد معرفش انا عايز اعمل ايه مع اني بحب الكتابه جدا بس اعتقد كنت بكتب لمجرد اني اكتب مش عارف ده صح ولا غلط بس كلامك كويس انا جبت المدونة من الفيس بوك مش عارف كمان الكومنت هنا هيظهر ولا مش هيظهر بس هحاول اخليه يظهر وكتاب انسه رحاب جميل جدا ومدونتك كمان جميلة .
إرسال تعليق