هي الدنيا كدة ... ساعة من نهار كما وصفها الله سبحانه و تعالى في القرآن الكريم في آخر سورة الأحقاف..
(كأنهم يوم يرون ما يوعدون لم يلبثوا إلا ساعة من نهار)
يااااه .. الآية دي فعلا بتهون على الواحد حاجات كتير, بحسها رسالة لكل مبتلى إنه يستحمل شوية و يصبر.. و رسالة لكل حد الدنيا مالية قلبه قوي إنه يركز أكتر في الحياة الأبدية مش في الساعة اللي شوية و هتخلص ..
رسالة لكل ذي عقل إنه يختار.. و أي حد عاقل مش معقولة يفضل ساعة على الحياة الأبدية..
نحاول نستحمل أي ألم أو أذى .. و نطيع ربنا حتى لو في حاجة صعبة شوية علينا .. ونعارض أهوائنا شوية ...
و أهي ساعة هتعدي بالطول ولا بالعرض ... بس المهم هنروح بعدها فين؟؟؟
